ЖОСАЛЫ, 25 мамыр – qarmaqshy-tany.kz Кенттегі А.Иманов көшесінде ашылған "Әлеуметтік дүкенде" халықтың күнделікті тұтынатын азық-түлік өнімдері тиімді бағада сатылуда.

Атап айтқанда қарақұмық жармасы – 294тг, қырыққабат – 60тг, картоп – 115тг, шемішкі май – 397тг, тауық жұмыртқасы С1 – 28тг, т.б.

“Алтын қамба” агроөнеркәсіп комбинаты” ЖШС-нен ағымдағы жылдың 15 мамыр күні орталыққа 4 тонна ұн, 3 тонна картоп, 4,6 тонна макарон өнімдері, 4 тонна шемішкі май, 2 тонна күріш, 5760 дана тауық жұмыртқасы тасымалданып, дүкен сөресі жаңа өніммен толтырылды.

Сонымен бірге, үстіміздегі жылдың 18 мамыр күні 200 кг тауық еті келді. Өңірлік тұрақтандыру қорының өнімдерінен бөлек жергілікті жердің ақ күріші, құрт, ірімшік т.б өнімдер сатылуда. Дүкенде азық-түлік түрлерін көбейту жоспарланып, жұмыстар атқарылуда.

Алдағы уақытта, Жосалы кентінен тағы 2 әлеуметтік дүкен ашу жоспарланып отыр.

Бүгінде халық өңірлік тұрақтандыру қоры өнімдерінің пайдасын көруде.