АЗЫҚ – ТҮЛІК БАҒАСЫН ТҰРАҚТАНДЫРУ БАСТЫ НАЗАРДА

Аудан орталығында күнделікті қажет ететін азық – түлік өнімдерінің жәрмеңкесі болды. Жәрмеңкеде картоп, жуа, қырыққабат, сәбіз, күріш және мал азығына қажетті жем-шөп сатылды. «Байқоңыр» әлеуметтік кәсіпкерлік корпорациясының тұрақтандыру қорының демеушілігімен және аудандық ауыл шаруашылығы тауарын өндіруші кәсіпкерлердің қолдауымен өткізілді.

Сонымен қатар өңірлік тұрақтандыру қоры арқылы 12 тонна картоп, 2 тонна сәбіз, 2 тонна жуа, 2 тонна қырыққабат, барлығы 18 тонна картоп көкөніс өнімдері және 5 тонна 1-сортты ұн мен 2 тонна шәй, қарақұмық жармасы барлығы 25 тонна азық –түлік өнімдері алдырылды.

Жәрмеңкеге аудандық ауыл шаруашылығы тауарын өндіруші кәсіпкерлер атсалысып, 5 тонна ақ күріш, 150 дана жоңышқа пресс, 150 дана табиға шөп пресс, 150 дана сабан пресс, 0,5 тонна күріш кебегі, 0,5 тонна сечка арзан бағамен сатылды.

Нәтижесінде құны 2,66 млн теңге құрайтын ауыл шаруашылық және негізгі азық-түлік өнімдері жергілікті тұрғындарға базар нарқымен салыстырғанда 15-20 пайыз аралығында төмендетілген бағамен сатылымға шығарылды. Бұл бағаның тұрақты болуына өз әсерін тигізеді. Базар бағасынан сәл де болса арзандатылған бағамен азық-түлік сатып алған тұрғындар ризашықтарын білдірді.