АУЫЛШАРУАШЫЛЫҒЫ ӨНІМДЕРІН ӨҢДЕУ

Ауылшаруашылығы өнімдерін өңдеу мақсатында Ақтөбе ауылында «Ақтөбе и К» ЖШС-нің құны 210,0 млн теңге болатын Оңтүстік Кореялық қуаттылығы сағатына 5 тонна күріш өңдеу зауыты іске қосылды (қаржыландыру «ҚазАгроҚаржы АҚ арқылы). Оған қосымша жоба құны 80 млн теңге болатын сиымдылығы 10 мың тонна астық сақтайтын қойма құрылысы салынып, пайдалануға берілді.

Күріш дақылының экспорттық әлеуетін арттыру және әртараптандыру мақсатында «Ақтөбе и К» шаруашылығы былтыр тәжірибиелік негізде 70 гектар жерге күріштің Ирандық «Тором Хошеми» сортын егіп, жақсы өнім алды. Облыс әкімі Қырымбек Елеуұлының Иран Ислам Республикасына іс-сапары аясында ауылшаруашылығы өнімдерін Иран мемлекетіне шығару бойынша бірнеше келісімдерге қол жеткізілді. Осының аясында ирандық сортты 800 гектарға дейін арттыру жоспарлануда.