Аудан әкімінің орынбасары Төретам, Ақай елді мекендерін аралады
Қармақшы ауданында «COVID-19» эпидемиологиялық ахуалының ушығуына байланысты, инфекцияның одан әрі таралуын болдырмау, санитарлық-эпидемиялық талаптардың қатаң сақталуын қамтамасыз ету мақсатында жұмыстар күшейтілуде.
Осы мақсатта, бүгін аудан әкімінің орынбасары Ж.Омаров Төретам кенті мен Ақай ауылдық округіндегі ардагерлермен кездесіп, «COVID-19» індетінің алдын алу үшін вакцина алу, карантиндік шараларды қатаң сақтау туралы тұрғындар арасында насихаттық жұмыстарға белсенді түрде атсалысуға шақырды.
Сонымен қатар, аталған елді-мекендердің әкімдеріне мониторингтің топтың және карантин талаптарының сақталуына бақылау жұмыстарын күшейтуді тапсырды.
Іс-сапар аясында, Төретам кенті мен Ақай ауылындағы емханалардың жай-күйімен танысып, медицина қызметкерлерінің қауіпті індетпен күрестегі қосқан елеулі еңбектерін айрықша атап өтіп, әрі қарай да халық денсаулығын сақтаудағы жұмыстарды жалғастыруды сұрады.
