Аудан әкімі Төретам кенті мен Ақай ауылдық округінде болды

Қармақшы ауданының әкімі Қалдарбеков Мұса Оспанұлы Төретам кенті мен Ақай ауылдық округінде болып, тұрғындармен кездесті.

Төретам кентіндегі әлеуметтік нысандарды аралап, Төретам кентінің әкімінің уақытша міндетін атқарушы Е.Жұмамаддиновтың атқарылған жұмыстар туралы хабарламасын тыңдады.

Сонымен бірге аудан басшысы Мұса Оспанұлы Ақай ауылдық округіндегі әлеуметтік нысандарды орта мектеп пен балабақшаны аралап, ауылдық клуб үйінде ауыл тұрғындарымен кездесу өтті.

Ауыл тұрғындарымен кездесуде Ақай ауылдық округінің әкімі Г. Умарова осы кезеңге дейін атқарылған жұмыстарды баяндады.

Кездесуде сөз алған аудан әкімі Мұса Оспанұлы ауылдық округтегі тұрғындарды жұмыспен қамту керектігін, шағын және орта кәсіпкерлік салаларын дамыту жайлы нақты тапсырмаларын берді.

Аудан әкімінің жұмыс сапары Байқоңыр қаласындағы әлеуметтік нысандарды аралаумен жалғасты.