Мониторингтік топ рейд жүргізді
Аудандық мониторингтік топ, коронавирус инфекциясының одан әрі таралуын болдырмау, санитарлық-эпидемиялық талаптардың қатаң сақталуын қамтамасыз ету мақсатында Жосалы кенті орталығындағы бірқатар кәсіпкерлік нысандарға рейд жүргізді.
Рейд жұмыстарына аудан әкімінің орынбасары, аудандық полиция бөлімі бастығының орынбасары, аудандық ішкі саясат бөлімінің басшысы, аудандық кәсіпкерлік, өнеркәсіп және туризм бөлімінің басшысы, Жосалы кенті әкімінің орынбасары қатысты.
Мониторингтік топпен алдағы уақытта да аудан аумағындағы шектеу шаралары мен санитарлық нормалардың сақталуын бақылау жұмыстары күшейтілген режимде жүргізілетін болады.
ҚҰРМЕТТІ АУДАН ТҰРҒЫНДАРЫ!
Елімізде эпидемиологиялық ахуал ушығып келеді. Бүгінгі күні аудандық орталық ауруханада ковид инфекциясын жұқтырған 97 адам ем алып жатса, оның ішінде 5 адам жансақтау бөлімінде жатыр.
Сондықтан да, барлық тұрғындардан санитарлық талаптарды қатаң сақтауды және саналы түрде барлық сақтық шараларды қабылдауды сұраймыз.
