Мобильді топ рейдке шықты

Коронавирус пандемиясы бойынша ахуалдың тұрақтылығын сақтау мақсатында аудандық мобильді топ мүшелері тойханалардың жұмысына рейд жүргізді.
Мобильді топ құрамында аудан әкімі аппаратының, тауарлар мен көрсетілетін қызметтердің сапасы мен қауіпсіздігін бақылау басқармасының (СЭС) және ішкі саясат, кәсіпкерлік, полиция бөлімінің қызметкерлері болды.
Жүргізілген рейд нәтижесінде жұмыс жасап тұрған тойханалар анықталған жоқ.
Сондай-ақ, мобильді топ мүшелері аудан орталығындағы қоғамдық тамақтану орындарын аралап, нысан иелеріне барлық санитарлық-эпидемиологиялық талаптарды сақтауды және сағат 23.00-ден кейін жұмыстарын тоқтату жөнінде түсіндірме жүргізді.