Эпидемиологиялық ахуал тұрақтанған жоқ
ЖОСАЛЫ, 17 маусым – qarmaqshy-tany.kz Карантин режимі кезіндегі талаптардың сақталуын қадағалау мақсатында құрылған мобильді топ мүшелері түнгі рейд шарасын күделікті жалғастыруда.
Әдеттегідей, мобильді топ мүшелері бүгін де індеттен сақтану бойынша түсіндірме жұмыстарын жүргізді.
Рейд барысында мобильді топ мүшелері қоғамдық тамақтану орындары мен сауда нысандарын аралап сағат 22.00-ден кейін жұмыс жасап тұрған кәсіпкерлерге қатаң ескертулер жасады.
Құрметті аудан тұрғындары!
Аймағымыздағы эпидемиологиялық ахуал әзірге сейілген жоқ.
Сондықтан да, барша аудан тұрғындарын коронавирус инфекциясының таралуының алдын алуда зор жауапкершілік танытып, енгізілген шектеулерді қатаң сақтауға шақырамыз. Бұл – баршаға ортақ міндет.
