Қармақшы ауданының әкімі М.Қалдарбековтың төрағалығымен аудан әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өткізілді.

Отырысқа комиссия мүшелері, бөлім басшылары, кент және ауылдық округ әкімдері онлайн режимде қосылды.

Күн тәртібінде аудандық прокуратураның бастамасымен енгізілген жалпы қылмыстылық және құқық бұзушылық профилактикасының жағдайы талқыланып, нақты міндеттемелер белгіленді.

Мәжілісте аудандық полиция бөлімінің бастығы Б.Жарқынбаев баяндама жасап, атқарылған жұмыстар бойынша есеп берді және алдағы уақытқа белгілеген жоспарымен бөлісті.

Отырыста адам өлтіру, алаяқтық, мал ұрлығы, тонау, жол-көлік оқиғалары, суицид және кәмелетке толмағандардың мәселесі кеңінен талқыланды.

Жиын барысында сөз алған аудан прокуроры М.Маханбетжанов әрбір қылмыс түрлеріне, олардың орын алу себептері мен алдағы уақытта атқарылуы тиіс жұмыстарға жеке тоқталды.

Жиын соңында аудан әкімі Мұса Оспанұлы құқық бұзушылық профилактикасы, оның ішінде алаяқтық, мал ұрлығы, тонау қылмыстарының және жол-көлік оқиғаларының, суицид, сондай-ақ жастар тәрбиесі мен олардың қауіпсіздігі мәселесіне арнайы тоқталып, атқарылуы қажет жұмыстар бойынша тиісті сала басшыларына нақты тапсырмалар жүктеді.