ЗАМАНА ЛЕБІ – ИНДУСТРИЯЛАНДЫРУ

Елбасы Қазақстан халқының тұрмыс-тіршілігін нығайту және ел экономикасын дамытуға арнаған биылғы Жолдауында нақтылап берген басымдықтардың  ішінде«Еліміз  индустрияландыру арқылы   жаңа технологияларды еңгізудің  көшбасшысына айналуы тиіс» , – деп атап өткен-ді.
Расында да, Жолдау арқылы билік пен халық алдына қойылған міндеттерді жүзеге асыруда Сыр бойындаатқарылған келелі істер жетерлік.Оған айғақ, өткен жылы елімізді индустрияландыруға бағытталған  бағдарламаларды  жүзеге асыруда  көптегенжүйелі жобалар іске асырылып, соның нәтижесімен  елімізде ауыз толтырып айтарлық іргелі жұмыстар атқарылса,  осы мақсатта аймаққа 241,5 млрд. теңгенің инвестициясы құйылды. Ал, оның22,6 млрд-ы  еліміздің өңдеу өнеркәсібі саласының үлесіне тиді. 
Өткен жылы облысымыздатүрлі мақсаттағы ірі инвестициялық жобаларды іске асыру мақсатына арналған бағдарламалар аясында  кәсіпкерлікті қолдауға арналған «Өңірлік  картасы» аясында аймағымызда, яғни Аралда қаптама күріш және асфальтбетон шығаратын  зауыт іске қосылды және оған 62 адам  жұмысқа қабылданды.
Ал, ендігі кезекте, өзімізде өндірілген өнімдерді шет елдерге экспорттау  мәселесіне тоқталар болсақ, 2017 жылы «Баласауысқандық» ваннадий кен орнынан  өндірілген 128,2 тонна метавнадат аммоний  Ұлыбритания еліне экспортталды,  сонымен бірге индустрияландыру картасы аясында өткен жылышет елге экспортқа шығарылған өнім көлемі  28 пайызға артты. Күріш дақылының экспорттық әлеуетін арттыру және әртараптандыру мақсатында «Ақтөбе и К» жауапкершілігі шектеулі серіктестігі 2016 жылы тәжірибе негізінде 70 гектар егістік алқапқа Иран Ислам мемлекетінде үлкен сұранысқа ие болған күріштің «Тором Хошими» сортын егіп, атарлықтай өнім алды. Алдағы уақытта ақтөбеліктер ос сортты егуді ұлғайтып, оны шет елге экспорттауға жұмыстар істеуді жоспарлауда.
Сонымен қатар, ауданымызда атқарылып жатқан жұмыстарды саралайтын болсақ, Жосалы кентіндегі №1 индустриялық аймақ жұмысын саралар болсақ, аталмыш аймақтан өндіріс орындарын орналастыру мақсатында  4 кәсіпкерге4,1 гектар жер пайдалануға берілді.
Бүгінде сол кәсіпкердің ішінде жеке кәсіпкер Қайрат Бердібаев «Темір қалдықтарын қайта өндеу цехы» жобасын іске асыруға жұмыстар жүргізіп жатса, «Бетон бұйымдарын және құрылыс құмын өндіру цехын ашу» жобасы аясында «Мир-2001» ЖШС-і  бүгінде 10 адамды тұрақты жұмысқа қабылдап, алғашқы өнімдерін шығару жұмыстарымен айналысуда.
Сонымен қатар,  «ҚР индустриялық-инновациялық  дамытудың 2015-2019 жылдарға арналған мемлекеттік бағдарламасын» іске асыру бойынша  ауданда өткен жылы өнеркәсіп кәсіпорындарымен 2 млрд. 281 млн. теңгенің  өнімі өндірілді.  Бұл 2016жылмен салыстырғанда 100,2 пайызды құрады.
 Тағы бір айта кетерлік жайт, аталмыш саланы арттыру және арттыру арқылы  жаңа жұмыс орнын ашу мақсатында  жақын күндері Ақтөбе ауылында қуаттылығы жылына 1500 тонна құс етін өндіретін құс фабрикасының құрылыс жұмыстары басталады деп күтілуде.
Расында да, жалпы құны 1,9 млрд. теңге болатын аталмыш жоба 2016 жылы  «Байқоныр»  ӘКК ҰК АҚ  директорлар Кеңесінің шешімімен қаржыландыру мәселесі бекітілді. Және де сол шешім негізінде «Қармақшы – құс» ЖШС-і біріккен кәсіпорны құрылып, осы кәсіпорындағы «Ақтөбе и К» ЖШС-нің үлесі 51 пайыз, яғни  581,5 млн. теңге болса,  «Байконыр» ӘКК ҰК» АҚ-ның үлесі 49 пайыз, яғни  558,6 млн. теңгені құрап отыр. 
Міне, осы жобаны іске ауыру мақсатында өткен жылы  Ақтөбе ауылдық округінен жер телімі бөлініп, іргетасы қаланды.
Сондай-ақ,  осы саланы дамытуға, өңір экономикасын нығайтуға белсене атсалысып жүрген  білікті кәсіпкер Дәулет Қанатбаев басқаратын «АНК-Дәулет» ЖШС-і Жосалы кенті аумағындағы карьер тасын өндеуді қолға алды және де аталмыш кәсіпорын өндірген өнімдер еліміздің әр аймағына жөнелтілуде.

Нұрбай ӘБІЛАХАТҰЛЫ.