Саулық сақтанудан басталады

Көктем келгелі біраз шектеулер алынып, тіршілік қайта жандана бастап еді. Қатаң карантиндік талап қойылғанымен, ел арасындағы қонақ шақыру, той жасау үрдістері қайта көбейді. Жұртшылықтың көпшілігі санитарлық талапты сақтамай, босаңсып кеткен соң індет өршіп, еліміздегі коронавирус инфекциясын жұқтырғандар саны күн сайын артуда.

Былтырғы жағдай ел есінен әлі ұмытыла қойған жоқ. Жұқпалы ауру ел алдында жүрген бірқатар атпал азаматтардың да өмірін қиғаны бәрімізге аян. Сол жағдай қайталанбас үшін сақтықты күшейтіп, талапқа бағынған жөн. Дәл қазір той тойлап, қонақ күтетін уақыт емес, барынша тәртіпке көніп, індеттің іргесі алыстағанша сабырлық танытатын кезең. Денсаулықта болғымыз келсе сақтық шарасын естен шығармағанымыз абзал.