Босаңсуға әлі ерте

Әлемде індеттің дүрбелеңі әлі басылған жоқ. Қазір елде ғана емес, пандемиямен күресіп жатқан өзге де аймақта жағдай күрделі. Мамандар әр түрлі болжам жасағанмен, кеселдің қай уақытта ауыздықталатынын дөп басып айта алмауда. Осыдан кейін арқаны кеңге салып, босаңсуға әлі ерте. Қазір көшеге шыққанның бірінде бетперде болса, бірінде көре алмайсыз. Бұл өте қауіпті. Сондықтан сақтық шарасын әлі де естен шығармауымыз керек.

Мемлекет басшысы Қасым-Жомарт Кемелұлы өз үндеуінде елде індет жұқтырғандар саны күрт өршігенін айтып, алаңдаушылығын жеткізді. Ол өз сөзінде кеселмен күрестің аяқталмағанын нақты айтты. Осы орайда дәрігерлердің талабын дұрыс сақтап, бір-бірімізге қолдау көрсетсек бұл індетті еңсеріп шығарымыз сөзсіз. Ең бастысы – қоғамдық орындарда бетперде тағып сақтық шарасын күшейтейік.