Әбдібек Лақбаев: "Халық – мемлекет қамқорлығында"

Елдегі эпидахуал барлығымызға белгілі. Індетті жұқтырғандар саны әлі де болса көбейіп жатыр. Көзге көрінбейтін кеселдің елімізде күші қайтып, беті бері қараған жоқ. Осыған орай Президент Қасым-Жомарт Тоқаев халықтың қауіпсіздігіне алаңдап карантин уақытын мамыр айына дейін созды. Бұл күшейтілген шараның қазақ халқына тек қана пайдасы тимек. Ендігі басты міндетіміз – сақтық шарасын барынша сақтап, өзімізід және жақындарымызды қорғау.

Мемлекет басшысы өзінің twitter парақшасында дәрігерлер мен полиция, әскери қызметкерлер және волонтерлерге алғысын білдірді. Олардың карантин уақытында атқарған еңбегі ерен екенін жеткізіп, қауіпсіздігіне баса мән беру қажет екенін айтты. Сонымен қатар қазақстандықтарды босаңсымай әлі де сақтық шарасын қатаң сақтауға үндеді. Сақтық жасамасақ сан соғарымыз анық. Ендігі біздің қолдау – карантин уақытында шаңырақтан шықпай, отбасымен бірге болу.