Тәртіпке бағынып, үйде болуға шақырамын

Мемлекет басшысы Қасым-Жомарт Тоқаевтың Төтенше жағдай режимін қамтамасыз ету жөніндегі мемлекеттік комиссияның отырысында төтенше жағдай мерзімін ұзарту туралы тапсырма беруі бекер емес. Өйткені қазір Қазақстан халқы ғана емес, әлем қысылтаяң кезеңді басынан өткізуде. Коронавирус инфекциясының аяқ астынан таралып, бар әлемді шарпып кетуі кімге де болса оңай тиіп жатқан жоқ. Біздің ең басты міндеміз – сақтық шарасын барынша сақтап, өзімізді және жақындарымызды қорғау. Себебі кез келген адам аурудан сақтанбаса, жеке бас гигиенасын ұстанбаса, тез жайылып кетуі мүмкін. Әсіресе, жас балалар мен жасы ұлғайған үлкендер, иммунитеті әлсіз адамдар көп адам жиналатын жерге бармағаны дұрыс.

Бізде бұл вирустың қауіптілігіне мән бермей жүрген, сақтық шараларын жүргізбеген адамдар әлі де көп. Әр адам өзінің және жақын-жуықтарының денсаулығы үшін жауапты екенін сезініп, сақтық шараларын сақтағанда ғана бұл індетті жеңеміз. Сол себепті жерлестерімді тәртіпке бағынып, үйде болуға шақырамын.