Бұл індет барша адамзатты әбігерге салды. Десе де деннің саулығы бәрінен де биік. Дерттің тұсаулануы үшін абзал жандар барын салуда. Бүгін ҚР Президенті Қ.Тоқаев карантиндік режимді тағы да екі аптаға ұзартуды тапсырды. Бұл құптарлық шешім. Себебі осы карантин уақытында дерт жұқтырушылар саны біршама азайып, бірқатар аймақта эпидемиологиялық ахуал тұрақтанып келеді. Сондықтан деннің саулығы, халықтың амандығы үшін сақтық шараларын әлі де қатаң сақтауымыз керек.

   Індет іргемізден тезірек алыстасын десек, карантиннің тәртібіне бағыну аса маңызды. Індетпен бетпе бет жүрген ақхалаттылардың еңбегін құрметтеп, қойылған талапты орындайық. Сонда ғана бұл індет таралуын тоқтатып, жаймашуақ әрі қауіпсіз күндердің келері анық.