Жұмыла көтерген жүк жеңіл

Қазір күрделі кезеңде отырмыз. Барлық әлем бұрын-соңды болмаған қысылтаяң кезеңмен бетпе-бет келіп отыр. Аты жаман індет дүние жүзін жайлап барады. 177 мемлекетте 800 мыңға жуық адам осы аурумен күресуде.

Оны жұқтырғандар саны да күннен-күнге артуда. Осы орайда Президент нақ уақытында төтенше жағдай жариялап, Қазақстанда вирустың жаппай таралуына жол бермей, ел болып біріге жұмылуда. Соның нәтижесінде ахуал да бақылауда.

Бүгін мемлекет басшысы Қасым-Жомарт Тоқаев республикалық телеарналар арқылы мәлімдеме жасады. Ол бірқатар тапсырма жүктеп, оның ішінде кәсіпкерлер уақытша салықтан босатылатынын жеткізді. Енді олар тұтынушыларын өз тауарларымен кең көлемде қамтасыз ете алады.

Бірінші орында – халықтың денсаулығы мен амандығы. Мемлекет халық үшін бар жағдайды жасауда. Ал ендігісі халық мемлекетке біріге демеу көрсетуі қажет. Бастысы – талапқа бағыну, карантиндік ережені сақтау. Жұмыла көтерген жүк жеңіл. Біз біргеміз!