Қармақшы аудандық сотында алдын ала сот отырысында талап қоюшы У. жауапкер Е.-ден 96 827 теңге қарыз ақшасын өндіру туралы азаматтық ісі қаралды.

Іс құжаттарына сәйкес, жауапкер Е. талап қоюшы У.-ға 2019 жылдың наурыз айынан бастап ақша қарыз екенін және уақытысында қайтармағаны анықталды.

Азаматтық істерді сот талқылауына дайындау барысында, тараптардан аталған азаматтық істер бойынша дауды медиация тәртібімен реттеу туралы келісімнің негізінде іс бойынша іс жүргізу тоқтату туралы келісім түскен.

Аталған келісім бойынша тараптар бітімгершілік шартындағы міндеттерді орындауға, яғни жауапкерлер қарыз ақшаны ай сайын төлеуге міндеттеме алды.

Ал, талап қоюшы өзінің талап арызынан бас тартып, медиатордың көмегімен келісімге келіп, дауды медиация тәртібінде реттеу келісімі жасалғанына байланысты, азаматтық істі тоқтатуды сұраған.

Сондай-ақ, медиативтік келісімді өз еріктерімен орындамаған жағдайда, тараптар сотқа мәжбүрлі түрде орындату үшін атқару парағын алуға арыздана алады.

Соттың ұйғарымымен тараптардың араларындағы жасалған дауды медиация тәртібінде реттеу келісіміндегі шарттарымен қоса бекiтiліп, iс жүргізу өндiрiстен тоқтатылды.

Ұйғарым заңды күшіне енбеген.