Қармақшы аудандық сотында талап қоюшы А.Ж.-ның жауапкер А.Т.-дан қарыз ақша өндіру туралы азаматтық іс қаралды.

Талап арызда талап қоюшы 2019 жылғы келісімшартқа сай берешек 52 000 теңге және сот шығындарын жауапкерден өндіруді сұраған.

Сот отырысы барысында сот тараптарға дауды медиация тәртібімен реттеудің артықшылықтарын түсіндірді. Нәтижесінде тараптар дауды медиация тәртібімен реттеу туралы келісім жасақтады, келісім шарттарына сәйкес, жауапкер талап қоюшыға 52 000 теңгені 2020 жылдың 25 қазан айынан бастап 2020 жылдың желтоқсан айына дейін ай сайын 17 334 теңгеден бөліп төлеуге міндеттенді, талап қоюшы талабынан бас тартты.

Сот ұйғарымымен медиациялық келісім бекітіліп, азаматтық іс өндірістен қысқартылды.

Төленген мемлекеттік баж талап қоюшыға қайтарылды.

Сот ұйғарымы заңды күшіне енген жоқ.