Қарыз ақша өндіру туралы азаматтық іс медиация тәртібімен тоқтатылды

Қармақшы аудандық сотында талап арыз бойынша қарыз ақшасын өндіру туралы азаматтық іс қаралды.

Іс құжаттарына сәйкес, жауапкер Ә. талап қоюшы С-ға 2019 жылдың қаңтар айынан бастап ақша қарыз екенін және уақытысында қайтармағаны анықталды.

Істі қарау барысында сот тарапынан талап қоюшы С. мен жауапкер Ә. дауды медиация тәртібімен шешу жөніндегі құқықтары түсіндіріліп, осыған орай, тараптар сотқа дауды медиация тәртібімен реттеу туралы өтініш хаттарын беріп, онда медиацияны іс бойынша төрағалық етуші судьяның жүргізуін өтінген және дауды (жанжалды) медиация тәртібімен реттеу туралы келісімге келгендерін, сондықтан осы келісімді бекітіп, іс бойынша іс жүргізуді тоқтатуды сұраған.

Талап қоюшы С. және жауапкер Ә. арасында жасалған медиациялық келісімі сотпен  бекітіліп,  іс  өндірістен  тоқтатылды.

Ұйғарым  заңды  күшіне  енген  жоқ.