Қармақшы аудандық сотында талап қоюшы Т.-ның жауапкер Қ.-дан жылжымайтын мүлкіне келген залалды өндіру туралы азаматтық ісі қаралды.

Іс құжаттарына сәйкес, талап қоюшы Т. сотқа жауапкер Қ.-дан 77816 теңге жылжымайтын мүлкіне келген залалды өндіруді сұрап сотқа жүгінген.
Тараптарға даулардың жекелеген санаттары бойынша дауларды (жанжалдарды) медиация тәртібімен сотқа дейінгі реттеуді енгізу бағытындағы пилоттық жоба аясында дауды (жанжалды) медиация тәртібімен реттеу туралы келісіммен шешу құқықтары түсіндірілген.
Сот отырысында тараптар сотқа кәсіпқой медиатордың араласуымен өзара жасасқан татуласу келісімін бекіту үшін ұсынып, іс жүргізуді тоқтатуды сұраған.
Сот ұйғарымымен дауды медиация тәртібімен реттеу туралы келісім бекітіліп, іс бойынша іс жүргізу өндірістен тоқтатылды.
Ұйғарым заңды күшіне енген жоқ.