Алимент өндіру ісі медиация көмегімен тоқтатылды
ЖОСАЛЫ, 30 қаңтар – qarmaqshy-tany.kz Аудандық сотта талап қоюшы А. жауапкер Р-дан 21 жасқа толғанға дейін алимент өндіру және жоғары оқу орнын бітіргенше өзіне қосымша қаражат өндіру туралы азаматтық ісі қаралды, деп жазады аудандық соттың баспасөз қызметі.
Сот отырысында тараптар дауды реттеу туралы келісімді бекітуді сұрап, өз еріктерімен медиация келісіміне келгендерін көрсетті.Тараптар кәсіпқой емес медиатордың қатысуымен дауды медиация тәртібімен реттеу туралы келісім жасасқан. Медиативтік келісімге сәйкес, жауапкер талап қоюшының пайдасына қызы 21 жасқа толғанша айсайын 60 000 теңге көлемінде алимент төлеп тұруға міндеттенген. Ал талап қоюшы болса, өзінің қойып отырған талабынан бас тартып, істі өндірістен тоқтатуды сұраған.
Сот ұйғарымымен келісім бекітіліп, іс өндірістен тоқтатылды.
