Партия мүшелері шаруашылық қызметкерлерімен кездесті

Праймериз – жаңа көшбасшыларды іріктеу мен тартудың арнасына айналған жаңа бастама. Халықаралық тәжірбиеде мойындалған партияішілік іріктеудің мұндай тәсілін елімізде алғашқылардың бірі болып «Nur Otan» партиясы қолданысқа енгізуде.
Осыған орай, жақында «Nur Otan» партиясы Қармақшы аудандық филиалы төрағасының бірінші орынбасары Дастан Буханов және аудандық мәслихат депутаты Кулжауһар Раева «Ақтөбе и К» шаруашылығының қызметкерлерімен кездесті.
Жиын барысында праймериздің алдағы мәжіліс пен барлық деңгейдегі мәслихаттар сайлауларына партиялық тізімдерді қалыптастыру үшін бәсекелес күрес негізінде жаңа көшбасшыларды айқындауды мақсат ететіні айтылды. Сондай-ақ оның өзіне сай ережесі мен кезеңдері, мақсат-міндеттері, негізгі қағидаттары түсіндірілді.
Сонымен қатар партия мүшелері өздерін толғандырған сұрақтарын қойып, сауалдарына жауап та алды. Қатысушылар өзіндік ой-пікірін білдіріп, ұтымды ұсыныстарын да жеткізді.