ҰЖЫМДАҒЫ КЕЗДЕСУ
Бүгін «Nur Otan» партиясы Қармақшы аудандық филиалы төрағасының бірінші орынбасары, аудандық мәслихат депутаты Буханов Дастан Әбдібекұлы, аудандық мәслихаттағы «Nur Otan» партиясы фракциясының жетекшісі, мәслихат депутаты Раева Күлжауһар Төлегенқызы кент орталығындағы №3 «Ертөстік» бөбекжай бақшасында болып, ұжым мүшелерімен кездесті.
Кездесу барысында бөбекжай бақша ұжымының жұмысымен танысып, алдағы оқу жылына дайындығын аралап көрді. Сонымен қатар, №3 «Ертөстік» бөбекжай бақша меңгерушісі Әбжалиева Айткүл 2019-2020 жаңа оқу жылына дайын екендігін жеткізді.
Сондай-ақ, Қазақстан Республикасы Президентінің сайлауы кезінде «Nur Otan» партиясының сайлауалды іс-шараларына қатысып, азаматтық белсенділік танытқан ұжым мүшелері Қорабаева Айгүл Асанқызы, Рысбаева Гүлзира Әбдіжамалқызы және Мыханова Гүлнұр Ибрахимбекқызы «Nur Otan» партиясы облыстық филиалының төрағасы, облыс әкімі алғысымен марапатталды.
