Аудандық кітапхананың COWORKING орталығында "Jas Otan" Жастар қанаты Қармақшы аудандық бөлімшесінің кезектен тыс есеп беру-сайлау конференциясы болып өтті. Жиынға "Nur Otan" партиясы Қармақшы аудандық филиал төрағасының бірінші орынбасары Буханов Дастан Әбдібекұлы облыстық "Jas Otan" ЖҚ төрағасы Тілес Талғат Оспанұлы, аудандық "Jas Otan" ЖҚ кеңес мүшелері және белсенді жастар қатысты. 

Кездесуде аудандық кеңес мүшелерінің ұсынысымен Шаймерден Жанат Болатбекқызы аудандық "Jas Otan" Жастар қанатының жетекшісі болып сайланды. 

Сонымен қатар Жосалы кентінің «Адина» сауда орталығында көшпелі қоғамдық қабылдау өткізілді. Қабылдау барысында кент тұрғындарының әлеуметтік, жұмыссыздық және кәсіпкерлікке байланысты сұрақтары бойынша түсіндірме жұмыстары жүргізілді.