ҚАРМАҚШЫ АУДАНЫ "ЖАС ОТАН" ЖАСТАР ҚАНАТЫНЫҢ КЕЗЕКТЕН ТЫС ЕСЕП БЕРУ-САЙЛАУ ЖИЫНЫ ӨТТІ

Бүгін Қармақшы аудандық тарихи өлкетану мұражайының фоесінде Жас Отан" Жастар қанаты Қармақшы аудандық бөлімшесінің кезектен тыс есеп беру-сайлау конференциясы болып өтті.
Жиында күн тәртібіндегі екі мәселе қаралды. Біріншісі, "Жас Отан" Жастар қанаты Қармақшы аудандық бөлімшесінің 2017 жылы атқарған жұмыстары жөнінде есеп беруі. Екіншісі, "Жас Отан" ЖҚ-ның Қармақшы аудандық бөлімшесіне жаңа …басшы сайлау.
Жиынға "Нұр Отан" партиясы Қармақшы аудандық филиалы төрағасының бірінші орынбасары Д. Буханов, "Жас Отан" ЖҚ Қызылорда облыстық филиалының төрағасы Т.Тілес, Жастар ресурстық орталығы КММ-нің директоры Ә. Ыбрахим, "Жас Отан" ЖҚ жетекшілерімен белсенділері мүшелері және БАҚ өкілдері қатысты.
Күн тәртібіндегі бірінші мәселе бойынша партия филиалы төрағасының бірінші орынбасары Д. Буханов аудандық бөлімшенің атқарған жұмыстарына қанағаттанарлық баға беріп, өткізілген шараларға тоқталды. Екінші мәселе бойынша "Жас Отан" Жастар қанаты Қармақшы аудандық бөлімшесінің басшысына ұсынылған Н. Оңдашов кандидатурасы ұсынылып, кеңес мүшелері бір ауыздан мақұлдады.
Сондай-ақ аудандық тарихи-өлкетану музейінде болып, «Жас Отан» белсенді мүшелері тарихи жәдігерлерді көзбен көріп, егемен елдің өткені мен бүгінінен сыр шертетін құнды материалдар туралы мәліметтер алды.