Актив отырысы өтті
ЖОСАЛЫ, 29 қараша - qarmaqshy-tany.kz Аудан әкімдігінің мәжіліс залында партиялық актив отырысы өтті. Оған «Nur Otan» партиясы аудандық филиалының төрағасы, аудан әкімі М.Қалдарбеков, партия филиалының барлық бастауыш партия ұйымдарының жетекшілері, аудандық мәслихат депуттары, партия филиалының Саяси кеңесінің мүшелері, кент, ауыл әкімдері және бөлім басшылары қатысты.
Жиналысты «Nur Otan» партиясы Қармақшы аудандық филиалының төрағасы, аудан әкімі М.Қалдарбеков ашып, Елбасының қатысуымен 25 қараша күні Нұр-Сұлтан қаласында партия филиалдары өкілдерімен кездесуі өтіп, кездесуде Нұрсұлтан Әбішұлы өңірлерді дамыту бағдарламаларын жетілдірумен қатар, партияның жергілікті жерлердегі жұмыс тиімділігін одан әрі арттырудың негізгі бағыттарын да айқындағанын жеткізді.
Сөз алған «Nur Otan» партиясы Қармақшы аудандық филиалы төрағасының бірінші орынбасары Д.Буханов аудандық партия филиалының атқарған жұмысына тоқталса, «Nur Otan» партиясы аудандық маслихаттағы депутаттық фракциясының жетекшісі К.Раева депуттатық фракция жұмысына тоқталып өтті. Жиын соңында аудан әкімі М.Қалдарбеков партия жұмысын одан әрі белсендіру мақсатында алдағы атқарылатын жұмыстарды тапсырды.
