АУДАНДЫҚ ПАРТИЯ ФИЛИАЛЫНЫҢ КЕЗЕКТЕН ТЫС XХV КОНФЕРЕНЦИЯСЫ БОЛЫП ӨТТІ

«Nur Otan» партиясы Қармақшы аудандық филиалының кезектен тыс XХV конференциясы болып өтті. Конференцияға аудандық партия филиалының 17 бастауыш партия ұйымдарынан делегаттар қатысты.

Аудандық партия филиалының конференциясын аудан әкімі, «Nur Otan» партиясы Қармақшы аудандық филиалы төрағасы Мақашов Сұлтан Ысқақұлы ашып, жүргізіп отырды. 

Күн тәртібінде екі мәселе талқыланды:

- Партия Төрағасы Н.Ә.Назарбаевтың партияның кезекті ХVІІІ Съезінде берген тапсырмаларын – «Халыққа көмек», «Бақытты отбасы», «Ауыл – ел бесігі», «Құтты мекен» ұлттық жобаларын іске асыру барысы туралы.

- «Nur Otan» партиясы облыстық филиалының конференциясына делегаттарды сайлау.

Конференцияның күн тәртібіндегі барлық мәселелер толық қаралып, қаулы қабылданды.