АУДАНДЫҚ ПАРТИЯ ФИЛИАЛЫНЫҢ КЕЗЕКТЕН ТЫС XХІV КОНФЕРЕНЦИЯСЫ БОЛЫП ӨТТІ
Бүгін «Нұр Отан» партиясы Қармақшы аудандық филиалының кезектен тыс XХІV конференциясы болып өтті. Конференцияға аудандық партия филиалының 17 бастауыш партия ұйымдарынан делегаттар қатысты.
Аудандық партия филиалының конференциясын аудан әкімі, «Нұр Отан» партиясы Қармақшы аудандық филиалы төрағасы Мақашов Сұлтан Ысқақұлы ашып, жүргізіп отырды.
Күн тәртібінде төмендегі мәселелер талқыланды:
- «Нұр Отан» партиясының 20 жылдығы». Жасампаздық және әлеуметтік даму кезеңі»
- ҚР Президентінің «Қазақстандықтардың әл-ауқатының өсуі: табыс пен тұрмыс сапасын арттыру» атты 2018 жылғы 5 қазандағы Жолдауын іске асыру барысы туралы.
- «Нұр Отан» партиясының 2030 жылға дейінгі Бағдарламасы жобасының негізгі ережелерін талқылау.
- «Нұр Отан» партиясы облыстық филиалының конференциясына делегаттар сайлау.
Конференцияның күн тәртібіндегі барлық мәселелер толық қаралып, қаулы қабылданды.
