«НҰР ОТАН» ПАРТИЯСЫ ҚАРМАҚШЫ АУДАНДЫҚ ФИЛИАЛЫНЫҢ КЕЗЕКТІ XXІІІ КОНФЕРЕНЦИЯСЫ БОЛЫП ӨТТІ

Ауданымызда «Нұр Отан» партиясы Қармақшы аудандық филиалының кезекті XXІІІ конференциясы болып өтті. Конференцияны «Нұр Отан» партиясының Қармақшы аудандық филиалының төрағасы Мақашов Сұлтан Ысқақұлы ашып, жүргізіп отырды. «Нұр Отан» партиясы Қармақшы аудандық филиалының кезекті XXІІІ есеп беру – сайлау конференциясына аудандық партия филиалының 17 бастауыш партия ұйымдарынан 75 делегат қатысты. Конференцияға аудандық партия филиалының Саяси кеңес мүшелері, аудандық мәслихат депутаттары, кент, ауылдық округ әкімдері, дербес бөлім басшылары, үкіметтік емес ұйым өкілдері, еңбек және партия ардагерлері, «Жас Отан» Жастар қанатының төрағасы мен бұқаралық ақпарат құралдарының өкілдері қатысты.
Конференцияның күн тәртібінде Елбасы, Партия Төрағасы Н.Ә.Назарбаевтың «Қазақстандықтардың әл-ауқатының өсуі: Табыс пен тұрмыс сапасын арттыру» атты кезекті Жолдауы туралы, аудандық партия филиалы Саяси кеңесінің 2017 – 2018 жылдарында атқарылған жұмыстары туралы, аудандық партия филиалының Саяси кеңесін сайлау туралы, облыстық партия филиалының кезекті XXII есеп беру-сайлау конференциясына делегаттарды сайлау туралы мәселелері ұсынылды.