КЕҢЕС ҚҰРАМЫ ТОЛЫҒА ТҮСТІ
«Nur Otan» партиясы Қармақшы аудандық филиалының төрағасы, аудан әкімі Сұлтан Мақашовтың төрағалығымен аудандық партия филиалының кезектен тыс XХVІ конференциясы өтті.
Оған мәслихат депутаттары мен аудан активі, сондай-ақ партия белсенділері қатысты.
Күн тәртібінің алғашқы мәселесіне «Nur Otan» партиясы аудандық филиалының осы жылдың І жартыжылдығында атқарған жұмысы туралы» партия филиалы төрағасының бірінші орынбасары Дастан Бухановтың баяндамасы тыңдалды.
Екінші мәселе бойынша аудандық партия филиалы Саяси кеңесінің құрамына өзгеріс енгізіліп, партияның басты күші – бастауыш партия ұйымының жетекшілерімен, аудандық мәслихат депутаттарымен толықты.
Жиында қаралған мәселелерге сәйкес тиісті қаулылар қабылданды.
Мұнан бөлек, 9 маусымда өткен Қазақстан Республикасы Президентінің кезектен тыс сайлауында үгіт-насихат жұмысына атсалысқан бірқатар партия белсендісі марапатталды.
Сәрсенкүл РАЙЫМБАЕВА
