Өнерлі ханшайым

Ақылына көркі сай Жаннұр Жұман отбасына нұр шашқан тұңғыш перзент. Әжесінің қамқоршысы, әрі қуанышы Жаннұрдың жасы сегізде. Ол кішкене күнінен музыка мен биге ерекше әуес болыпты. «Толғанай» балабақшасында тәрбие алған кезінде барлық ертеңгіліктің белсенді қатысушысы болып, түрлі марапатқа ие болған. Бүгінде ол Т.Көмекбаев атындағы №250 мектеп-лицейдің 2 «Д» сыныбын аяқтады. Оқу үлгерімі жақсы. Онымен қоса қоғамдық жұмыстарға да қатысады. Мың бұрала би билеп, әуелетіп ән де салады. Қолы қалт еткенде әжесінің көңілін тауып, қуантуға тырысады. Сондай-ақ кітап оқу – Жаннұрдың сүйікті ісі. Сондай-ақ гимнастикалық жаттығуларды еш қиындықсыз орындай алады. Өнерлі балақай өзінен кейінгі бауырларына ерекше қамқор. Болашақта білікті дәрігер болуды армандайды. Өнері мен сабағын қатар алып жүрген бүлдіршіннің асқақ арманының орындалуына тілекшіміз.