ЖЕҢІМПАЗ БАЛАҚАЙЛАР
Адамның адам болып қалыптаспағы – бала кезден. Дүниедегі ең таза, ең пәк баланың санасы десек, сол сананы қалыптастыруда өнердің орны айрықша. Өнерге бет бұру, ден қою – қай сәбиді де талғампаздыққа, көпшілік арасында өзін ұстай білуге, жақсы жағынан көрсетуге, мәдениеттілікке, тәртіпті болуға тәрбиелейді. Бүгінде біздің қоғамның кішкентай мүшелері мұндай әдепті өздері тәрбиеленетін балабақшадан алып жүрген жайы бар.
Сондай бүлдіршіндеріміз – «Толғанай» балабақшасының тәрбиеленушілері Бексұлтан Мұхтар мен Томирис Еділ. Өнерлі балақайлар Қызылорда қаласының 200 жылдық мерекесі және республикалық «Бал бала» байқауының 10 жылдығына орай өткен «Бал бала – 2018» облыстық сайысында үздік өнер көрсеткені үшін алғыс хатпен марапатталды.
– Балалар шығармашылығын шыңдау мақсатында ұйымдастырылған шарада екі бірдей бүлдіршініміздің марапатқа ие болуы – бізге үлкен қуаныш сыйлады. Алдағы уақытта да жүйелі жұмыс жүргізіп, балдай тәтті балаларымыздың қабілетін ашуға еңбек ете береміз, – дейді балабақшаның музыка жетекшісі Сафура Қаппарова.
С.ДАТ,
«Қармақшы таңы».
