Техниканың тілін тапқан Ғалымжан
Ақтөбе ауылында «Оңталап» шаруа қожалығы бар. 80-ге жуық адамды жұмыспен қамтып отырған қожалықтың мамандарына деген қамқорлығы ерекше. Еңбекақыларын ай сайын, уақытылы беріп отырудан бөлек, қажеттіліктерге қарай жиі көмек көрсетеді. Биыл 800 гектарға күріштің «Лидер» түрін ексе, өнімді жинауда шаруалар тынбай тер төгуде.
Ауыл азаматы Ғалымжан Әйткенов 3 жылдан бері аталған шаруашылықта күріш орады. Техниканың тілін үнсіз ұғатын ұқыпты азамат көліктің қай түрі болмасын жүргізіп кете береді. Көктемде жер жыртудан бастап, шөп дестелеу, ал күзде күріш орумен айналысады. Биыл 400 гектар жердің күрішін орып, бітірген.
