ҚАЛДЫҚСЫЗ ӨНІМ ШЫҒАРАТЫН ЗАУЫТ АШЫЛДЫ
Қармақшы ауданы Дүр Оңғар ауылында қалдықсыз өнім шығаратын күріш зауыты ашылды.
Заманауи диірмен тәулігіне 65 тонна сыр маржанын өңдейді. Ал күріштің қалдығын мал азығы үшін үш түрлі жемге айналдырады.
Күріш кебегі жаңа технологияға негізделген өндірістің арқасында пайдаға асты. Дүр Оңғар ауылынан бой көтерген бұл зауыт жергілікті 15 тұрғынды жұмыспен қамтып отыр.
Биылғы жылы Төлепов Орынбасар басқаратын «Жаңажол» шаруа қожалығы 3200 гектар күріш егіп, оның әр гектарынан 74 центнерден өнім жинады. Бұл облыс бойынша ең жоғарғы көрсеткіш болып табылады.
