ҚАРМАҚШЫЛЫҚ ДИХАНДАР ЕГІННЕН МОЛ ӨНІМ АЛАДЫ

Биылғы Қармақшылық диқандар егіннен мол өнім алуды жоспарлап отыр. Ертең облыс әкімі Қ.Көшербаевтың қатысуымен ауданның Дүр Оңғар ауылында егінге орақ түседі. Бұл туралы Өңірлік коммуникациялар қызметінің алаңында өткен баспасөз-конференциясында Қармақшы ауданының әкімі Сұлтан Мақашов мәлім етті. "Биыл ауа-райына байланысты шілде айының ортасында су тапшылығынан біршама қиындықтар болды. Бір арна бойынан 3 аудан сумен қамтамасыз етіліп отыр. Бұл шаруалар өз кезегінде шешімін тапты. Қабылданған шаралардың нәтижесі мен диқан қауымның тынымсыз еңбегі өз жемісін берді, егіс судан қалған жоқ. Егіске барлығы 3800 тонна элита, І-ІІІ репродукциялы күріш тұқымдары жұмсалды. Сонымен қатар, 9495 тн минералдық тыңайтқыштар жұмсалып, 12 000 гектар алқап үстеп қоректендірілді." -деді С.Мақашов.

Арамшөптер мен зиянкестерге қарсы 11000 гектар күріш алқабы гербицидтермен өңделді. Ал,мемлекеттік қолдау шаралары бойынша егін шаруашылығына 40,9 млн.теңге субсидия берілді. Сондай-ақ,ауданда ауыл шаруашылығы өнімдерінің жалпы көлемі 1 млрд 990,5 млн.теңге болып, өткен жылдың тиісті кезеңімен салыстырғанда 101,9 пайызды құрады.