БІЛІМ БӨЛІМІНІҢ КЕЗЕКТІ КЕҢЕЙТІЛГЕН МӘЖІЛІСІ ӨТКІЗІЛДІ
Қармақшы ауданы бойынша білім бөлімінің басшысы Б.Жәнібековтың төрағалығымен мектеп директорлары мен оқу орынбасарларының қатысуымен кеңейтілген мәжіліс өткізілді.
Мәжілістің күн тәртібінде 2 мәселе қаралып, көрсеткіштерге терең талдау жұмыстары жүргізілді. Атап айтқанда, қаңтар айында өткізілген ҰБТ қорытындысы және инновациялық мектептерде 4 және 9 сыныптар бойынша алынған тестілеу нәтижелері.
Білім бөлімі басшысы Берік Съездұлы күн тәртібіндегі мәселелердің маңыздылығына тоқталып, ҰБТ көрсеткіштері мен «Алтын белгі» үміткерлерінің білім нәтижелері бойынша әр пәнге жүргізілген саралау жұмыстарына тоқталып, көрсеткіші төмен мектептерге білім сапасын арттыру бағытында жұмыстар жүргізуді қатаң тапсырды.
Сонымен қатар, аудандағы инновациялық мектептерде 4 және 9 сыныптар бойынша алынған тест жұмыстарының нәтижелері бойынша да жан-жақты талқылап, оқу сапасын көтеру бағытында мектеп басшыларына тиісінше тапсырма жүктеді.
Жиын қорытындысы бойынша бөлім басшысы нақты тапсырмалар беріп, олардың орындалуы уақыт аралығында қатаң бақылауда болатынын жеткізді.
