АҚШ билігінің өткен жылы қыркүйек айында Пуэрто-Риконы ойрандаған «Мария» дауылынан қаза тапқандар туралы ақпараты шындыққа жанаспайды. Өйткені табиғат апатынан, ресми билік хабарлағандай, 64 адам емес, 4 мың 600-ден астам тұрғын көз жұмған. Бұл туарлы Гарвард университетінің ғалымдары мәлімдеді. Себебі олар дауылдан зардап шеккен 3 мыңнан астам отбасыны зерттеп, мәліметті осы аралды елдегі орташа жылдық өліммен салыстырған. Нәтижесінде 2017 жылдың қыркүйек-желтоқсан айларында өлім деңгейі жылдағыдан артып кеткен. «Сондықтан «Мария» дауылы кезінде қаза тапқандардың саны әлдеқайда көп», – дейді мамандар. Пуэрто-Рико Доминго Маркес, зерттеуші: - Біз зерттеу барысында жойқын дауылдан кейін халықтың 2 жарым айдан аса электр жарығынсыз және таза сусыз отырғанын назарға алдық. Бұдан бөлек орта есеппен 1 айдан астам байланыс болмаған. Адам қазасының көп болуы да сондықтан.