Оманда «Макуну» сұрапыл дауылы ойран салды
Оманда «Макуну» деп аталатын сұрапыл дауыл соғып, салдарынан қаза 4 кісі қаза тапты. Бұл туралы жергілікті ақпарат құралдары хабарлап жатыр. Бұған дейін 3 адамның көз жұмғаны жайында мәлімет бар еді. Енді тағы бір тұрғынның марқұм болғаны жайында мәлімет тарады. Қаза тапқандардың барлығы Дофар провинициясынан. Жергілікті билік жолдар тазаланып, көлік қозғалысы қалпына келмейінше тұрғындардан үйден шықпауларын сұрады. Айта кетейік, жұма күні Оманның оңтүстігінде жойқын жел ойран салып, Сокотра деп аталатын йемендік түбек қатты зардап шеккен. Дерек бойынша табиғаттың тосын мінезінен 40 шақты адам көз жұмған.
