Үндістанда жол апатынан 21 адам бақилық болды

Үндістанның Мадхья-Прадеш штатында жүк көлігі көпірден құлап кетіп, салдарынан кем дегенде 21 адам қаза тапты.
Тағы 12 адам зардап шеккен. Бұл туралы «Синьхуа» агенттігіне сілтеме жасай отырып RT хабарлайды.
Оқиға Бхопал қаласынан 573 шақырым қашықтықта болған. Алдын ала мәліметтерге қарағанда, қаза тапқандар мен зардап шеккендердің барлығы жергілікті ауылдардың біріне тойға бара жатқан.
Жол-көлік апаты болған жерде құтқару жұмыстары жүргізіліп жатыр.