Үндістанда оқушылар мінген автобус апатқа ұшырады
Үндістанның солтүстігіндегі Химачал Прадеш штатында мектеп автобусы жол апатына түсіп, 30 адам қаза тапты.
Жергілікті полиция қызметкерінің айтуынша, марқұмдардың 27-сі онға жасқа толмаған бала. Екеуі мұғалім, біреуі жүргізуші. Автобус таулы аймақта 30 метрлік құзға құлаған. Әзірге жол апатына не себеп болғаны белгісіз. Куәгерлер жүргізуші жылдамдықты межеден асырып, автобусты басқара алмай қалғанын айтады. Оқиға орнына құқық қорғаушылар мен құтқарушылар келіп, іздеу-құтқару жұмыстарын жүргізіп жатыр. Жергілікті басылымдардың хабарлауынша, автобус бастауыш сынып балаларын тасымалдауға арналған. Салонда 40 шақты бала болуы мүмкін.
Айта кету керек, Үндістанда жол апаты жиі болады. Елдің ұлттық қауіпсіздік кеңесінің мәліметіне қарағанда 2016 жылы жол апатынан 40 мыңға жуық адам көз жұмған.
