Чилидегі жол апатынан 50-ден астам адам жараланды

Чилидің Сан-Фернандо қаласының маңында көлік апатқа ұшырап, 1 адам опат болды.

Елуі түрлі деңгейде жарақат алды. Полицейлердің дерегі бойынша, автобус пен жүк көлігі соқтығысқан. Соның салдарынан 20-дан астам көлік бір-бірін қақты. Куәгерлер жүк көлігі жүргізушісінің тізгінге ие бола алмай қалғанын айтады. Бірақ әзірге апатқа нақты не себеп болғаны анықталған жоқ. Жергілікті билік оқыс оқиғаға қалың тұман себеп болды дейді.