Берлинде жүргізушісіз басқарылатын автобустар сынақтан өткізіліп жатыр.
Олар «Шарите» компаниясы клиникаларының маңында тексерілмек. Қаланың бұл ауданы экологиялық таза аумақ болғандықтан, зиянды түтін бөліп шығаратын көліктерге жүруге рұқсат етілмеген. Жүргізушісіз басқарылатын автобустың жылдамдығы сағатына 12 шақырымға дейін жетеді. Жергілікті билік өкілдерінің айтуынша, мұндай көлік қоршаған ортаға да, адам өміріне де қауіпсіз. Жақын арада автобустар жолға шыға бастайды. Ол маман көлікті тізгіндемейді, тек салонда болады. Бірақ кейін көліктерді толықтай дербес режимге көшіру жоспарланып отыр.