Келешекте жүргізушісіз басқарылатын автокөліктер әуежайларда жұмыс істейді.

Фагернес қаласында норвегиялық инженерлер осындай қар тазалайтын машинаны сынақтан өткізді. Навигация жүйесінің арқасында көлік өздігінен тіпті қолайсыз ауа райында да жұмыс істей береді. Оның ұзындығы – 20 , ал ені – 5 метр. Жүргізушісіз басқарылатын құрылғы бір сағатта 375 мың  шаршы метр жердің қарын күрей алады. Алайда оның әуежайдағы басқа көлік құралдарымен өзара қалай жұмыс істейтіні шешіліп, бірқатар техникалық ақаулар жөнделген соң көлік қолданысқа енгізілмек.