Әлемдегі ең үлкен ұшақ-амфибия сыналды

Қытайда әлемдегі ең үлкен ұшақ-амфибия алғашқы сынақтан өтті.
Көк аспанда ұшып қана қоймай, суда да жүзетін ұшақ Чжухай қаласынан шығып, 3 мың метр биіктікте 1 сағаттан астам уақыт қалықтады. «Эй-Джи 600» деп аталатын әуе кемесі негізі өртпен күресуге және құтқару операцияларын жүзеге асыруға арналған. Ол теңіз не көлдің үстіне қонып, 20 секунд ішінде бортына 12 мың тонна су толтырып ала алады. Ұзындығы 39 метр болатын кеме 53 жарым тонна жүк алып ұша алады. Оның ұшу қашықтығы 4 жарым мың шақырымды құрайды. Ал компания өкілдерінің айтуынша, қазірдің өзінде Қытайда мұндай ұшақ түріне жергілікті үкімет пен түрлі компаниялардан ондаған сұраныс түскен.

24.kz