Мьянманың жиырма мигрант жұмысшысы, автобуста болған өрттен көз жұмды. 50 адамға арналған екі деңгейлі автобуста белгісіз себептермен өрт шыққан. Бұл туралы Nation газетінің интернет-нұсқасында жазылды, деп хабарлайды Baq.kz ақпарат агенттігі Риа Новости сайтына сілтеме жасап.

Қайғылы жағдай Так провинциясындағы жолда болған. Мадрид шекарасынан заңды түрде Таиландқа жолға шыққан 47 мигранты бар автобус жұма күні сағат 00.00 шамасында кенеттен өртеніп кеткен.
Өрттен аман қалғандардың айтуынша, автобустың ортаңғы жағынан кенеттен басталған өрт көліктің артқы жағына бірден жетіп, жолаушылардың сыртқа шығатын мүмкіндіктері болмаған.
Жүргізушісі автобусты дереу тоқтата алған. Одан кейін 24 жолаушы және жүргізушінің өзі, оның әйелі және кезекші жүргізуші сыртқа шығып үлгерген. Ал, артқы жақта отырған 20 қызметкер тірідей өртеніп кеткен.
Басылымның хабарлауынша, жүргізушінің шақыруымен келген өрт сөндірушілер өртті тез сөндіріп, бірақ кейбір адамдарды ажалдан құтқара алмаған. Өрт сөндірушілер мен полиция қызметкерлері бұл оқиғаны тергеп жатыр.