Грецияда босқындар отырған қайық теңізге батты
Эгей теңізі Агатониси аралында мигранттар мен босқындар отырған ағаш қайық батып кетті, Алдын ала мәлімет бойынша 6 адам қаза тапты. Олардың төртеуі - балалар, деп хабарлайды Baq.kz ақпарат агенттігі РИА Новости сайтына сілтеме жасап.
Әзірге қайықтың не себепті батқаны белгісіз. Ішінде барлығы 20 адам отырған. Қазір оқиға орнында құтқару-іздестіру шаралары жүріп жатыр.
Иммиграциялық саясат министрі Димитрис Вицас оқиғаға қатысты көңіл айтып, Эгей теңізінде адамдардың жиі бататынын қалыпты нәрсеге айналдырмауға шақырды.
«Бұл мәселені адамдарды қорғау, иммигранттар мен босқындарды қауіпсіз маршруттармен тасымалдау және адам саудасымен үздіксіз күрес жүргізу арқылы шеше аламыз», - дейді Вицаса.
