Мәскеуде балаларға арналған сауда орталығы өртеніп, бір адам қаза тапты

Мәскеуде тағы да суда орталығы отқа оранып, халық дүрлікті.
Бұл жолы өрт шаһардың шығысындағы «Персей для детей» сауда орталығында тұтанып, ғимараттағы адамдар шұғыл эвакуацияланды. Жалыннан 1 адам қаза тапты, тағы зардап шеккендер де бар. Қазір оқиға орнында өрт сөндірушілер жұмыс істеп жатыр. Кешендегі тілсіз жау жартылай ауыздықталды. Ал ресми деректерге қарағанда, 2009 жылы салынып, қолданысқа берілген бұл сауда орталығында негізінен балаларға арналған тауарлар сатылып келген. Сонымен қатар көпқабатты ғимараттың бірінде бүлдіршіндерге арналған ойын-сауық орталығы болған.