Йеменде тропикалық дауыл ойран салды

Йеменнің оңтүстік-батысында тропикалық дауыл ойран салды.
Салдарынан 17 адам ұшты-күйлі жоғалып кетті. Ал 200-ден астам отбасы қауіпсіз аймаққа көшірілді. Жақын елді мекендерде төтенше жағдай жарияланды. Жергілікті бұқаралық ақпарат көздерінің хабарлауынша, жойқын дауыл Йеменге қарасты Сокотра аралының тас-талқанын шығарған. Айта кету керек, осыған дейін тропикалық дауыл Сомалиде қырын қабақ танытқан еді. Су тасқыны мен қатты соққан желден 50-ден аса адам жапа шекті.