Сомалиде «Сагар» дауылы 16 адамның өмірін жалмады
Сомалиде «Сагар» тропикалық дауылы соғып, 16 адам қаза тапты. Тағы 15 тұрғын із-түзсіз жоғалып кетті. Дауылмен бірге келген нөсерден көптеген қала мен ауылды су басты. Жүздеген үй бүлініп, 2 мыңға жуық адам қауіпсіз жерге көшірілді. Табиғи апаттан әсіресе Аден қаласы қатты зардап шекті. Халықаралық Қызыл крест ұйымы жапа шеккен аудандарға гуманитарлық көмек жеткізіп жатыр. Ал БҰҰ тропикалық дауыл шегірткенің көбеюіне әкеліп, егістік алқаптарды жойып жіберуі мүмкін деп дабыл қағуда. Дәрігерлер болса елде тырысқақ ауруы өрши ме деп алаңдаулы. Соңғы ақпарға қарағанда, «Сагар» циклоны Эфиопиядан Йеменге қарай бет алған.
