Қытайдағы караокеден шыққан өрт 18 адамның өмірін жалмады
Қытайдың Циньюань қаласындағы караокеде өрт шығып, 18 адам қаза тапты. Тағы бесеуі жарақат алды. От ғимаратта жергілікті уақытпен түнгі 12 жарым шамасында шыққан. Оқиға орынына тез арада жеткен өрт сөндірушілер лаулаған отты жарты сағаттың ішінде өшірген. Бірақ осыған қарамастан тілсіз жау 20-ға жуық адамның өмірін қиып кетті. Әзірге оттың неден тұтанғаны белгісіз. Алдын ала тергеуге қарағанда, от ғимаратқа қасақана қойылған. Қазір оқиға орынында тергеу жүріп жатыр.
